Skip to main content

AUT OPPRESSI SERVIUNT AUT RECEPTI BENEFICIO SE OBLIGATOS PUTANT II: LAS FORMAS "NO COERCITIVAS" DE TRANSFORMACION INDIGENA (S. IV AC- S. I DC)

PID2020-117370GB-I00

•
Funding agency name Agencia Estatal de Investigación
Funding agency acronym AEI
Program Programa Estatal de I+D+i Orientado a los Retos de la Sociedad
Call Proyectos de I+D+i (Generación de Conocimiento y Retos Investigación)
Call year 2020
State Plan 2017-2020 Plan Estatal de Investigación Científica y Técnica y de Innovación
Beneficiary centre UNIVERSIDADE DE SANTIAGO DE COMPOSTELA

Resultados relacionados

Resultados totales (Incluyendo duplicados): 2
Encontrada(s) 1 página(s)

Minerva. Repositorio Institucional de la Universidad de Santiago de Compostela
Publication Libro o Monografía (Book)

… aut recepti beneficio se obligatos putant : formas non coercitivas de transformación indíxena

  • Cruz Andreotti, Gonzalo
  • Dopico Caínzos, María Dolores
  • Folgueira Ríos, Francisco
  • Villanueva Acuña, Manuel
  • Argüelles Álvarez, Patricia
  • Patterson, John R.
O sétimo volume da colección Philtáte completa algúns aspectos que vimos no anterior. En ambos tomamos como punto de partida a frase de Cicerón, recollida nas súas Catilinarias, nas que comentaba como se debían de tratar os inimigos: Aut oppressi serviunt aut recepti beneficio se obligatos putant (Cat. 4.22) Con gran brevidade sintetizaba as distintas formas de integración que Roma lles aplicaba ás comunidades indíxenas segundo a actitude que mostraran cara a ela. No volume anterior profundamos nas formas coercitivas de intervención romana, neste segundo seguimos a filosofía do final da frase para indagar no proceso de transformación desde unha visión oposta, aquela na que se empregan formas non violentas. A nosa intención, polo tanto, é aproximarnos ao cambio protagonizado por indíxenas, tanto nas diversas modalidades de autorromanización, nas que hai unha clara emulación dos modelos romanos, como aquelas que son froito dunha intervención encuberta pero que, en todos os casos, teñen como elemento común a ausencia de violencia. Como é habitual na nosa coleccións, farémolo desde unha visión interdisciplinar que nos permite reconstruír unha realidade complexa desde aproximacións diversas que van desde a arqueoloxía, á lingüística, á epigrafía, á numismática á historia ou ao dereito, que non examinaremos illadamente, senón de maneira conxunta. Non será unha investigación teórica, senón que partirá das distintas experiencias que nos proporcionan diversos espazos do Occidente romano (Italia central/setentrional, Noroeste peninsular; as Galias) ben diferentes na súa evolución, tempos e dinámicas de cambio, que nos permitirán entender mellor os distintos mecanismos e modos de integración republicanos desde o século IV cando Italia é un «laboratorio do cambio»– o período posterior ás Guerras Púnicas, coa intensa acción sobre a Italia setentrional, ata a remodelación e reestruturación do imperio a partir de Augusto, tal como vemos no Noroeste.
Minerva. Repositorio Institucional de la Universidad de Santiago de Compostela
Publication Libro o Monografía (Book)

Specula Populi Romani?, «Revisitando» o papel da cidade

  • Bandelli, Gino
  • Chiabà, Monica
  • Ventura Villanueva, Ángel
  • Agusta-Boularot, Sandrine
  • Andringa, William van
  • Folgueira Ríos, Francisco
  • Santos Yanguas, Juan
  • Martins, Manuela
  • Magalhaes, Fernanda
  • Cruz, Gonçalo
  • Villa Valdés, Ángel
  • Orejas Saco del Valle, Almudena
  • Olesti Villa, Oriol
  • Murgia, Emanuela
  • Martínez Caballero, Santiago
  • Salinas de Frías, Manuel
  • Ruiz-Gutiérrez, Alicia
  • Iglesias Gil, José Manuel
  • Vallejo Ruiz, José María
Neste sexto volume da colección Philtáte, continuamos profundando na investigación que iniciamos no noso anterior proxecto e mantemos no actual. Partindo da expresiva frase aut oppressi serviunt aut recepti beneficio se obligatos putant, que Cicerón recolle nas Catilinarias (4.22), pretendemos mostrar dúas formas ben diferentes utilizadas por Roma na conformación do seu imperio. Por unha banda, no volume anterior analizamos aquelas que implicaban o uso da forza, por outra, neste veremos a aplicación de diversos xeitos non violentos que permitiron a integración dos indíxenas. Son moitos e moi diversos, así que aquí deterémonos nun dos que consideramos máis relevantes. Analizaremos un elemento estrutural do Estado romano, a cidade, que foi obxecto, como tantos outros, dos debates e revisións que se produciron con intensidade desde finais do s. xx e principios do xxi. Das matizacións ou reinterpretacións das fontes arqueolóxicas deuse un paso máis ao cuestionar a función da cidade romana. Redimensionouse a súa importancia como impulsora do cambio ou creadora de novas identidades. En suma, discutiuse a validez da súa cualificación como specula Populi Romani, espellos do pobo romano, tal como definía Cicerón á colonia de Narbona (Pro Fonteio 13). Retomamos, polo tanto, este debate sobre o papel que as cidades tiveron neses cambios. Analizaremos tanto o caso das privilexiadas, as colonias, como outras creacións de Roma que carecen dese estatuto como son LucusAugusti ou BracaraAugusta, veremos a transformación das comunidades indíxenas impulsada desde o poder ou das que «voluntariamente» cambian. Interésanos non só o urbanismo, senón ver como funcionaron historicamente, o cal permítenos partir dunha visión multidisciplinar, como é habitual nas nosas publicacións, de modo que dispoñemos da achega de historiadores, arqueólogos, epigrafistas ou lingüistas. Con eles analizamos os cambios onomásticos, o desenvolvemento urbano, a creación de novas formas de administración e de goberno, a construción de panteóns cívicos, as distintas formas sociais e o papel das elites, entre outros. Cinguíndonos, como é habitual, ao ámbito do occidente do imperio, pretendemos achegar novas reflexións a debates para os que aínda non temos unha resposta amplamente aceptada.